Te seçim vakıdı yaklaştı, halkın hakı – deputat ayırsın. Insan düşüner: sanki, kimi var nicä ayıralım? Dedelerdän gagauzlara etişti bir laf: iiri sopanın gölgesi da uz olmaz.

Biz islää lääzım düşünelim, vatandaşım-dostum, seçelim en ii çalışkan insannarı. Kim esaplı, kim gecä-gündüz insan için kaçınêr, halkı koruyêr, ona deputat olmaa yaraşêr…

Esapsızları, ani sade düşüner kendisini: yalancı, hırsiz, fena, kim insanı aldadêr, - onu olmaz inanmaa, olmaz sesini onnara vermää!

Sürüyü hırsız beklärsä, halka ondan yok fayda, onu yok ne inanmaa! Kim koruyêr gagauzluu, halkına izmet eder, onu inan, ona ses ver, onu deputat ayıralım! Akıllı adamnarı, kim koruyacek halkımızı, adetleri, kim bizä arka olur, onu ayıralım!

Ikiüzlüleri kapu ardına!

Onnar, nicä dal lüzgerdä, işleri onnarın pek bet! Dostum, onnarı sän inanma! Bak onnara kim uygun, esaplı, namuzlu. Onnar aramızda var! Onnara sesimizi verelim, onnarı ayıralım! Parlamenttä işlesin düşünüptä, zerä sizin ayaklarınız raatsız olur. En iilerini, inanç adamnarı, kim satmêêr halkını, ayırın onnarı!

Seçimci LAZAR.