Uzakta Bucaam, benim Vatanım,

Ana tarafım, kırmızı kanım.

Alatlêr vakıt, hızlanêr yıllar,

Aklımda solêr şıralı renklär…

Aklımda aaçlar hep ölä üüsek,

Dädum harmanda kazêr çemrek.

Mali pişirer incä kıırma,

Güneşlän dolu eski sundurma.

Kaynarca suyu taa tatlı baldan,

Papşoy sütlü henez tarladan.

Űzüm pandalı, şekerli şıra.

Yalnak çocuklar kaçêr çayıra.

Okuldan geler çan gibi seslär,

Koolaşmak oynêr bizim gölgelär.

Ilk sıra yakêr sevda canımı,

Dalgalandırêr körpä kanımı.

Űreemdä Bucaam, paalı Vatanım

Duuma tarafım, damarda kanım.

Durgunêr vakıt, yavaşêr yıllar,

Gün gibi şılêêr solamaz renklär.

Nikolay ESİR

Кongaz küü.