Gagauziya M.V. Maruneviç adına Bilim-aaraştırma merkezindä sentäbrinin 23-dä «Rusça-gagauzça hem gagauzça-rusça Gagauz dilini üüretmäk metodikası sözlüünä» prezentaţiya geçti.

Prezentaţiyada pay aldılar bilimcilär, gagauz dili hem literatura üüredicileri, terbiedicilär, biblioteka temsilcileri, Gagauziya BAM aaraştırıcıları, studentlär.

Sözlüü hazırlayan İ. D. Rişilän tanıtıma katılannarı işin neetinnän hem strukturasınnan tanıştırdı. Gagauz dilini üüretmäk metodikası sözlüü ikidilli çevirmeli bir sözlüktür. Onun baş neeti gagauz dilini üüretmäk metodikasının terminnär sistemini düzän laf hem lafbirleşmeleri listesini erleştirmää, metodika terminnerini düzennemää.

Bu sözlüktä veriler terminnär, terminologiya birleşmeleri, annayışlar hem ana dili olarak, hem dä ana dili olmayan gagauz dilini üüretmäk metodikasından.

Gagauz dilini üüretmäk metodikası sözlüü faydalı olur gagauz dili üüredicilerinä, metodistlerä, aspirantlara, dili üüretmäk metodikasını inceleyän pedagogika zanaatlarında studentlerä, hepsinä, kimi ilgilendirer metodika nicä üüretmäk, bilim hem praktika disţiplinası.

gbm.md

Фото В. ЯНЧОГЛО