Kongazçik küüyündä bulunan eni parka verildi gagauz respublikasının ilk prezidendin adı - Stepan Topalın. Bölä kararı kabletti küü soveti hem Kongazçiin primariyası kendi bitki oturuşunda. Bu iş için haberledi küü başı Dmitriy İkizli. “Bölä karara hepsimiz birliktä geldik. İstedik gagauz liderın adı diveç kalsın”, - söledi primar. Onun laflarına görä, parkın, angısına verildi Stepan Topalın adı, ofiţial açılışı geçecek bu yılın güz zamanında.

Marıa Kasım.